ITIKAF AUR USKA HUKM
Itikaf ka talluq Ramazan ke aakhri Ashre se hai. Yeh qurb e ilaahi ka ahem zariya hai. Is se mutalliq kayi fazaail warid hain magar sab ke sab za’eef hain lekin is ki Mashrooiyyat or Targheeb kayi Aayaat or Ahadees se saabit hai.
Itkkaf ibadat hai neez Masjid mein Aitekaf ki
wajah se mukhtalif qism ki nekiyan karne ka mauqa milta hai is liye un sab ki fazeelat or ajr apni jagah musllam hai.
Allah ka farmaan hai:
Hum ne Ibrahim (Alaihissalam) aur Ismail
(Alaihissalam) se wa’da liya ke tum mere ghar ko tawaaf karne waalon aur Aitekaaf karne waalon aur Rukoo’ Sajda karne waalon ke liye paak saaf rakho.
[Surah Al-Baqarah, Surah No: 2 Ayat No: 125]
Neez Allah ka farmaan hai:
Aur aurton se us waqt mubashirat na karo jabki tum Masjidon mein Aitekaaf mein ho.
[Surah Al-Baqarah, Surah No: 2 Ayat No: 187]
Aur Nabi (ﷺ) ke mutalliq Aisha Radhiallahu Anha ka farmaan hai: Allah ke Nabi (ﷺ) apni wafaat tak barabar Ramazan ke aakhri Ashre mein Aitekaf karte rahe aur Aap (ﷺ) ke
baad Aap ki azwaaj e mutahharaat (azwaaz means biwiyaan) Aitekaf karti rahen.
[Sahih Bukhari Hadees Number 2026 and Sahih Muslim Hadees Number 1172]
Quran o Hadees ke alawah ummat ke ijma’ se bhi Aitekaaf ki mashroiyyat saabit hai jaisa ki Shaikh ul Islam Imam Ibn e Taimiyah Rahimahullah ne naqal kiya hai.
[Sharh ul Umdah: 2/711]
👉 Dalail ki roshni mein Aitekaf wajib nahi balki sunnat hai lekin agar koi Aitekaf ki nazar maan le to uske haqq mein Aitekaaf wajib ho jaayega.
ITIKAF KI JAGAH
Jis tarah mard ke liye Aitekaf masnoon hai usi tarah aurat ke liye bhi Aitekaf mashroo’ (means Quran o Hadees se sabit) hai. Aur yeh bhi wazeh rahe ke Aitekaf ki jagah sirf Masjid hai jaisa ki upar Quran ki aayat se wazeh hai aur Nabi (ﷺ) ne is par amal kar ke dikhaya hai.
Agar aurat Aitekaf kare to use bhi Masjid mein hi Aitekaf karna hoga chaahe Jama
Masjid ho ya Jama Masjid na ho. Sirf Jama Masjid mein riwayat waali Aitekaf par kalaam hai.
Agar Jama Masjid mein Aitekaf kare to ziyadah behtar hai taaki namaz e juma’ ke liye nikalne ki zaroorat na pade.
ITIKAF KA WAQT
Nabi (ﷺ) ne Ramazan mein aksar dus (10) dino ka Aitekaf kiya hai is liye afzal yeh hai ke Ramazan ke aakhri Ashre mein dus (10) dino ka Aitekaf kare kiunki aakhri Ashre ki badi fazeelat aayi hai.
Iska tareeqa yeh hai ke Aitekaf ki dil se niyat kare aur beeswein (20th) Ramazan ko sooraj doobte hi Masjid mein daakhil ho jaaye.
Yeh ikeeswein (21th) ki raat hogi.
Raat bhar zikr o azkaar aur nafli ibaadat mein masroof rahe aur Fajr ki namaz padh ke Aitekaf ki jagah par chala jaaye.
Eid ka chaand hote hi Aitekaf khatm kar de.
ITIKAF KE MABAAH (JAAIZ) UMOOR
Aitekaf ki halat mein Masjid mein khaana peena, ghusl karna, zaroorat ke waqt baat karna, tail (oil) khusbhoo istemaal karna, baghair shehwat biwi se baat cheet aur use choona, sakht zaroorat ke liye bahar jaana
for example: Masjid mein toilet na ho to qaza e hajat ke liye, juma’ waali Masjid na ho to namaz e juma’ ke liye, khaana koyi laa kar dene waala na ho to khaana laane ke liye jaana waghera.
ITIKAF KE MANAFI UMOOR
Bagair zaroorat Masjid se bahar jaana, jima’ (sexual intercourse) ya kisi aur tarah se jaan boojh kar mani (sperm) kharij karna Aitekaf ke batil hone ka sabab hai.
Isi tarah haiz o nifaas bhi aurat ka Aitekaf baatil kar dega.
Inke alawah bagair zaroorat ke baat cheet, ghair zaroori kaam (aise kaam jo zaroori na hon) un mein waqt barbaad karna ya ibadat ke manafi kaam jhoot o gheebat se bache.
Yeh Aitekaaf ke batil hone ka sabab to nahi magar inse Aitekaf ka maqsad faut ho jaata hai. Isi tarah mareez ki iyadat, namaz e janazah aur dafan ke liye Masjid se bahar nikalna bhi jaaiz nahi hai.
ITIKAF KE MASNOON AA’MAAL
Mo’takif (Aitekaaf mein baithne waale) ko chaahiye ke dus (10) dino mein kasrat se tadabbur ke saath tilawat, zikr o azkaar, dua, istighfaar aur nafli ibadaat anjaam de.
Khashoo, khuzoo aur huzoor e qalbi (dil ki haazri) ke saath Allah se talluq jodne par mehnat o mashaqqat kare.
Ramazan taqwa ka mazhar hai, Aitekaf se taqwa ko mazeed taqwiyyat (taqat o quwwat) bakhshe. Inhi dinon mein Lailat-ul-Qadr aati hai Aitekaaf mein baithne waale ke liye use paane ka sunehra mauqa hai,
Aap (ﷺ) ne isi maqsad se teeno Ashre mein Aitekaf kiya.
Jab aakhri Ashre mein shab e qadr ki khabar mili to usme Aitekaf karne lage.
MAZEED CHAND (KUCH) MASAIL
👉 Aitekaf ki is tarah niyat karna (maine Allah
Taala ki raza ke liye sunnat e Aitekaaf ki niyat ki) Bidat hai. Niyat sirf dil se karna hai.
👉 Aitekaf ke liye Roza shart nahi ,,waali riwayat par kalam hai (means wo riwayat za’eef hai).
👉 Masjid mein aurat ke liye jab tak makhsoos or mehfooz jagah na ho tab tak use Aitekaf mein baithna jaaiz nahi.
👉 Sirf teen Masajid mein Aitekaf ka aiteqaad bhi sahih nahi hai.
👉 Aitekaf ki muddat mutayyan nahi hai is liye dus (10) din se kam aur ziyadah ka bhi Aitekaf kiya ljaa sakta hai.
Hadees mein kam se kam ek din ek raat ke
Aitekaf ka zikr aaya hai.
👉 Ramazan ke alawah doosre months mein bhi Aitekaf kiya jaa sakta hai jaisa ki Nabi (ﷺ) se saabit hai.
👉 Agar kisi ne Aitekaf ki niyat ki (magar nazar nahi maani) lekin halaat ki wajah se Aitekaf nahi kar saka to us par kuch nahi hai (means koi kaffara waghera nahi hai).
👉 Ijtimaa’i Aitekaf is tarah ke ek Masjid mein kayi mo’takif (Aitekaaf karne waale) hon jaaiz hai magar ijtima’i surat se zikr ya dua ya ibadat karna soofiya ki tarah jaaiz nahi hai.
ITIKAF SE MUTALLIQ KUCH ZAEEF AHADEES
Pehli Hadees:
Jis shakhs ne Ramazan ul Mubarak mein
dus din ka Aitekaf kiya, us ka sawab do Hajj aur do Umrah ke barabar hai.
[Silsila az Zaeefah (Albani): 518]
Doosri Hadees:
Jo shakhs Allah ki raza ke liye ek din Aitekaf karta hai, Allah Taala us ke aur dozakh ke darmiyanteen khandaqon ka faasla kar deta hai. Har khandaq mashriq se maghrib ke darmiyani faaslay se ziyada lambi hai.
[Silsila az Zaeefah (Albani): 5345]
Teesri Hadees:
Nabi (ﷺ) ne Aitekaf karne waale ke baare mein farmaya: Woh gunaahon se rok deta hai, aur us ke liye sab neki karne waale ki tarah neki likhi jati hai.
[Ibn e Majah: 1781]
Allama Albani Rahimahullah ne “Za’eef Ibn e Majah: 352” mein isko za’eef kaha hai.
Chauthi Hadees:
Jo emaan aur ajr o sawaab ki niyat se Aitekaf karta hai us ke pichle saare gunah mu’aaf kar
diye jaate hain.
[Zaeef ul Jaami’ (Albani): 5452]
Paanchvi Hadees:
Aitekaf teen Masjid ke alawah kisi mein
nahi.
[Majmoo’ Fatawa Ibn e Baz: 25/218]
🌷Share With Others🌷
💐Jazakallahu Khairan💐
Itikaf ka talluq Ramazan ke aakhri Ashre se hai. Yeh qurb e ilaahi ka ahem zariya hai. Is se mutalliq kayi fazaail warid hain magar sab ke sab za’eef hain lekin is ki Mashrooiyyat or Targheeb kayi Aayaat or Ahadees se saabit hai.
Itkkaf ibadat hai neez Masjid mein Aitekaf ki
wajah se mukhtalif qism ki nekiyan karne ka mauqa milta hai is liye un sab ki fazeelat or ajr apni jagah musllam hai.
Allah ka farmaan hai:
Hum ne Ibrahim (Alaihissalam) aur Ismail
(Alaihissalam) se wa’da liya ke tum mere ghar ko tawaaf karne waalon aur Aitekaaf karne waalon aur Rukoo’ Sajda karne waalon ke liye paak saaf rakho.
[Surah Al-Baqarah, Surah No: 2 Ayat No: 125]
Neez Allah ka farmaan hai:
Aur aurton se us waqt mubashirat na karo jabki tum Masjidon mein Aitekaaf mein ho.
[Surah Al-Baqarah, Surah No: 2 Ayat No: 187]
Aur Nabi (ﷺ) ke mutalliq Aisha Radhiallahu Anha ka farmaan hai: Allah ke Nabi (ﷺ) apni wafaat tak barabar Ramazan ke aakhri Ashre mein Aitekaf karte rahe aur Aap (ﷺ) ke
baad Aap ki azwaaj e mutahharaat (azwaaz means biwiyaan) Aitekaf karti rahen.
[Sahih Bukhari Hadees Number 2026 and Sahih Muslim Hadees Number 1172]
Quran o Hadees ke alawah ummat ke ijma’ se bhi Aitekaaf ki mashroiyyat saabit hai jaisa ki Shaikh ul Islam Imam Ibn e Taimiyah Rahimahullah ne naqal kiya hai.
[Sharh ul Umdah: 2/711]
👉 Dalail ki roshni mein Aitekaf wajib nahi balki sunnat hai lekin agar koi Aitekaf ki nazar maan le to uske haqq mein Aitekaaf wajib ho jaayega.
ITIKAF KI JAGAH
Jis tarah mard ke liye Aitekaf masnoon hai usi tarah aurat ke liye bhi Aitekaf mashroo’ (means Quran o Hadees se sabit) hai. Aur yeh bhi wazeh rahe ke Aitekaf ki jagah sirf Masjid hai jaisa ki upar Quran ki aayat se wazeh hai aur Nabi (ﷺ) ne is par amal kar ke dikhaya hai.
Agar aurat Aitekaf kare to use bhi Masjid mein hi Aitekaf karna hoga chaahe Jama
Masjid ho ya Jama Masjid na ho. Sirf Jama Masjid mein riwayat waali Aitekaf par kalaam hai.
Agar Jama Masjid mein Aitekaf kare to ziyadah behtar hai taaki namaz e juma’ ke liye nikalne ki zaroorat na pade.
ITIKAF KA WAQT
Nabi (ﷺ) ne Ramazan mein aksar dus (10) dino ka Aitekaf kiya hai is liye afzal yeh hai ke Ramazan ke aakhri Ashre mein dus (10) dino ka Aitekaf kare kiunki aakhri Ashre ki badi fazeelat aayi hai.
Iska tareeqa yeh hai ke Aitekaf ki dil se niyat kare aur beeswein (20th) Ramazan ko sooraj doobte hi Masjid mein daakhil ho jaaye.
Yeh ikeeswein (21th) ki raat hogi.
Raat bhar zikr o azkaar aur nafli ibaadat mein masroof rahe aur Fajr ki namaz padh ke Aitekaf ki jagah par chala jaaye.
Eid ka chaand hote hi Aitekaf khatm kar de.
ITIKAF KE MABAAH (JAAIZ) UMOOR
Aitekaf ki halat mein Masjid mein khaana peena, ghusl karna, zaroorat ke waqt baat karna, tail (oil) khusbhoo istemaal karna, baghair shehwat biwi se baat cheet aur use choona, sakht zaroorat ke liye bahar jaana
for example: Masjid mein toilet na ho to qaza e hajat ke liye, juma’ waali Masjid na ho to namaz e juma’ ke liye, khaana koyi laa kar dene waala na ho to khaana laane ke liye jaana waghera.
ITIKAF KE MANAFI UMOOR
Bagair zaroorat Masjid se bahar jaana, jima’ (sexual intercourse) ya kisi aur tarah se jaan boojh kar mani (sperm) kharij karna Aitekaf ke batil hone ka sabab hai.
Isi tarah haiz o nifaas bhi aurat ka Aitekaf baatil kar dega.
Inke alawah bagair zaroorat ke baat cheet, ghair zaroori kaam (aise kaam jo zaroori na hon) un mein waqt barbaad karna ya ibadat ke manafi kaam jhoot o gheebat se bache.
Yeh Aitekaaf ke batil hone ka sabab to nahi magar inse Aitekaf ka maqsad faut ho jaata hai. Isi tarah mareez ki iyadat, namaz e janazah aur dafan ke liye Masjid se bahar nikalna bhi jaaiz nahi hai.
ITIKAF KE MASNOON AA’MAAL
Mo’takif (Aitekaaf mein baithne waale) ko chaahiye ke dus (10) dino mein kasrat se tadabbur ke saath tilawat, zikr o azkaar, dua, istighfaar aur nafli ibadaat anjaam de.
Khashoo, khuzoo aur huzoor e qalbi (dil ki haazri) ke saath Allah se talluq jodne par mehnat o mashaqqat kare.
Ramazan taqwa ka mazhar hai, Aitekaf se taqwa ko mazeed taqwiyyat (taqat o quwwat) bakhshe. Inhi dinon mein Lailat-ul-Qadr aati hai Aitekaaf mein baithne waale ke liye use paane ka sunehra mauqa hai,
Aap (ﷺ) ne isi maqsad se teeno Ashre mein Aitekaf kiya.
Jab aakhri Ashre mein shab e qadr ki khabar mili to usme Aitekaf karne lage.
MAZEED CHAND (KUCH) MASAIL
👉 Aitekaf ki is tarah niyat karna (maine Allah
Taala ki raza ke liye sunnat e Aitekaaf ki niyat ki) Bidat hai. Niyat sirf dil se karna hai.
👉 Aitekaf ke liye Roza shart nahi ,,waali riwayat par kalam hai (means wo riwayat za’eef hai).
👉 Masjid mein aurat ke liye jab tak makhsoos or mehfooz jagah na ho tab tak use Aitekaf mein baithna jaaiz nahi.
👉 Sirf teen Masajid mein Aitekaf ka aiteqaad bhi sahih nahi hai.
👉 Aitekaf ki muddat mutayyan nahi hai is liye dus (10) din se kam aur ziyadah ka bhi Aitekaf kiya ljaa sakta hai.
Hadees mein kam se kam ek din ek raat ke
Aitekaf ka zikr aaya hai.
👉 Ramazan ke alawah doosre months mein bhi Aitekaf kiya jaa sakta hai jaisa ki Nabi (ﷺ) se saabit hai.
👉 Agar kisi ne Aitekaf ki niyat ki (magar nazar nahi maani) lekin halaat ki wajah se Aitekaf nahi kar saka to us par kuch nahi hai (means koi kaffara waghera nahi hai).
👉 Ijtimaa’i Aitekaf is tarah ke ek Masjid mein kayi mo’takif (Aitekaaf karne waale) hon jaaiz hai magar ijtima’i surat se zikr ya dua ya ibadat karna soofiya ki tarah jaaiz nahi hai.
ITIKAF SE MUTALLIQ KUCH ZAEEF AHADEES
Pehli Hadees:
Jis shakhs ne Ramazan ul Mubarak mein
dus din ka Aitekaf kiya, us ka sawab do Hajj aur do Umrah ke barabar hai.
[Silsila az Zaeefah (Albani): 518]
Doosri Hadees:
Jo shakhs Allah ki raza ke liye ek din Aitekaf karta hai, Allah Taala us ke aur dozakh ke darmiyanteen khandaqon ka faasla kar deta hai. Har khandaq mashriq se maghrib ke darmiyani faaslay se ziyada lambi hai.
[Silsila az Zaeefah (Albani): 5345]
Teesri Hadees:
Nabi (ﷺ) ne Aitekaf karne waale ke baare mein farmaya: Woh gunaahon se rok deta hai, aur us ke liye sab neki karne waale ki tarah neki likhi jati hai.
[Ibn e Majah: 1781]
Allama Albani Rahimahullah ne “Za’eef Ibn e Majah: 352” mein isko za’eef kaha hai.
Chauthi Hadees:
Jo emaan aur ajr o sawaab ki niyat se Aitekaf karta hai us ke pichle saare gunah mu’aaf kar
diye jaate hain.
[Zaeef ul Jaami’ (Albani): 5452]
Paanchvi Hadees:
Aitekaf teen Masjid ke alawah kisi mein
nahi.
[Majmoo’ Fatawa Ibn e Baz: 25/218]
🌷Share With Others🌷
💐Jazakallahu Khairan💐
0 Comments