BIRTHDAY MANANA KAISA HAI

 🎂 BIRTHDAY MANANA KAISA HAI ❓

🔴Allah Musalmano Ko Yahudiyon Aur Isayon Ke Raste Se Bachaye’ Jinho Ne Sab Se Pehle Apne Ambiya (as) Ki Salgirah Ko Manana Shuru Kiya Aur Fir Apni Khud Ki Bhi Saalgirah Manane Lage Aur Unki Salgiraah Dekh Hamare Kuch Muslaman Bhai Bahen Bhi Manane Lage Aur Ye Ab Is Qadar Aam Ho Gya Hai Ke Musalmano Me Saalgirah Manana Ab Ek Status Ban Chuka Hai

Muslaman Ye Jante Hue Bhi Ke Ye Yahudiyo Aur Isaiyo Ka Tareeqa Hai Ise Ankh Band Karke Manate Hai

Hamare Islam Me Birthday Manane ka Quran Aur Ahadees Me Koi Bhi Saboot Nahi Milta hai

Agar Birthday Manana Islam Me Jaiz Hota To Rasool’Allah Muhammad ﷺ ne Zarur Apna Birthday Manaya hota lekin 63 saal ki umr me unhone kabi apna birthday nahi manaya, Na hi Sahabaao Ne Manaya

Birthday Manana Yahudi Aur Isaiyo Ka Tareeqa Hai

Allah Ke Rasool Muhammad ﷺ Ne Hame Kafiro Ki Copy Karne Se Mana Farmaya Hai.

👉Abdullah Ibn Umar Se Riwayat Hai Ke Rasool’Allah Muhammad ﷺ Ne Farmaya

“Jisne Kisi Qaum Ki Mushabehat(copy) Ki Wo Unhi Me Se Hai”

📚Abu Dawood, 3512; classed as saheeh by al-Albaani in Irwa’ al-Ghaleel, 2691

📗Allah Ta’ala Farmata hai

Al-Quran📘

“Humne Har Ek Ummat Keliye Ek raah (Ahkam-E-Shariyat) Muqarrar Kar Di Hai Aur Unhe Isi Par Chalna Hai”

📕( Surah Hajj 22, Ayat 67)

👉Allah Ta’ala ne to hamare Musalaman hone ke Tahat Deen e Islam ki Raah Muqarrar Ki Hai aur Ye Allah Ka Hukm Hai Ke Hame Usi Par Chalna Hai

Kya Hamare Islam Ke Tareeqe Achhe Nahi❓

Jo Ham Ghair Muslim Qaum Se Unke Tareeqe Le Rahe Hai

Ye To Nauzbillah Allah Ta’ala Ke Deen me Kami Nikalna Hua…

Bhale Koi Zuban Se Na Kahe Lekin Is Baat Ka Matlab Yahi Nikalta Hai Ke Is Deen Me Kami Hai Tabhi Ham Apne Is Deen Ki Baato Ko Sikhne Ke Bajaye Gair Muslimo Ke Tareeqe Sikh Rahe

📗Allah Ta’ala Farmata Hai

Al-Quran📙

“Aaj Maine Tumhare Liye Tumhara Deen Mukammal Kar Diya Aur Apni Ney’mat Tum Par Puri Kar di Aur Islam Ko Bahaisiyat Deen Tumhare Liye Pasand Kar Liya.

📘( Surah Maeda5, Ayat 3)

💫SubhanAllah!!!! Allah Ta’ala Ne Gawahi De Di Hai Ke Hamara Deen Mukammal Ho Chuka Hai Aur Hmare Liye Islam Ko Allah Ne Pasand Kiya hai

Kya Hamare liye Allah Ta’ala Ki Ye Gawahi Kaafi Nahii ❓

To Fir Ham Kyu Bhatak Rahe Hai Aur Kafiro Se Milte Chale Ja Rahe Hai 

Aur Is Qadar Mil Chuke Ke Badi Afsos Ki Baat Hai Ke Ab Agar Koi Sahi Raah Dikhata Bhi Hai To Log Usi Ko Hi Galat Khane Lagte Hai

Hame Allah Ke Aage Ye Iqrar karna Chahiye Ke, 

“Ya Allah Hum Utne Hi Deen Par Razi Hain, Jitna Muhammad ﷺ  Par Tune Nazil Kiya Aur Hume Yaqeen Hai Ke Nabi (Muhammad ﷺ) Ne Pura Deen Hum Tak Pahuncha Diya Hai..❗”

Jinhe Yaqeen Nahi Hai wo jo chahe izafa kare 💔 

👉Aisha Radhi Allahu Anha Riwayat Karti Hai Ke Rasool’Allah Muhammad ﷺ Ne Farmaya Jisne Hamare Is Deen Me Koi Aisi Chiz Ijaad Ki Ke Jispe Hamara Amal Nahi To Wo Mardud hai”

📚Sahih Bukhari,2697

📚Sahih Muslim, 1718 

🔴Meri Ye Musalman Bhai Baheno Se Darkhwast Hai Ke Birthday Parties Manana Chhod de Aur Na khud Manaye Aur Na Hi birthday Ke Invitations Qubul Kare

Aur Ye Hamesha Yaad Rakhe Ke Ham Musalman Hai Aur Behatareen Deen E Isalm Se Nawaze Gaye Hai

Lehaza Kafiro Ka Tareeqa Chhod Kar Musalman Hone Ke Naate Allah Ke Diye Hue Deen Ko Hi Follow Kare…

__________________________________________

🥀To get Reward in Akhirah,🥀

Share this with your families and friends

BLOG - quranhadeestalk.blogspot.com
ARMAAN ANSARI