(Jab Nabi Kareem Sallallahu Alaihi Wasallam Ki Wafat Ho Gayi)
Hazrat Abu Bakr r.a. apne muqam sanah wale ghar se jo sanah me tha ghore par sawar ho kar aaein or sawari se utar kar masjid mein dakhil huye , logon se koi baat kiye begair Hazrat A’isha r.a. ke Hujre ke pass aaye (Jahan Nabi Kareem Sallallahu Alaihi Wasallam Ki Nash Mubarak Rakhi Hui Thi) or Nabi ﷺ ka taraf gaye
Aap ko dharidar yamani chadar mein lapaita gaya tha . Fir aap ne Nabi Kareem Sallallahu Alaihi Wasallam Ka chehra Mubarak khola or jhuk kar uska bosah liya , phir ro parey or farmaya: Allah ke Nabi! Mere Maa Baap Aap par Qurbaan ! Allah Ta’ala Aap par do mautein Jama nahi karega .Siwa ek maut ke jo Aap ke muqadar mein thi wo aa chuki h.
Abu salma ne kaha le mujhe ibn abbas radi allahu ahnhuma ne khabar kr di ke abu bakr r.a jb bahar tasreef laye to umar r.a us waqt logon se kuch batein kar rhe the. Siddiq akbar r.a ne farmaya ke baith jao lekin umar r.a nahi maane
Fir dobara aap ne baithne ke liye kaha lekin umar r.a nahi maane.
Akhir Abu bakr r.a ne kalma shahadat padha to tamam majma aapki taraf mutawajje ho gya or umar r.a ko chhod diya. Aapne farmaya Amma baad ! Agar koi shaks tum me se Muhammad ﷺ ki ibadat karta tha to usey maloom hona chahye ke Muhammad ﷺ ki wafat ho chuki aur agar koi Allah Ta’ala ki ibadat karta hai to Allah Ta'ala baki rahne wala hai. Kabhi wo marne wala nhi. Allah paak ne farmaya hai "AUR MUHAMMAD SIRF ALLAH KE RASOOL HAI AUR BAHOT SE RASOOL US SE PEHLE BHI GUZAR CHUKE HAI" <<Alshakeerin>> tak (aapne aayat tilawat ki) Kasam Allah ki aisa maloom hua ke Abu bakr r.a ke aayat tilawat se pahle jaise logon lo maloom bhi na kha ke ye ayat bhi Allah paak ne Quran majeed mein utari hai. Ab tamam sahaba ne ye ayat aap se seekh li aur fir to har shaks ki zuban par yahi ayat thi
Sahih Bukhari Vol 2, Book No. 23 ,Hadith No 1241
__________________________________________
🥀To get Reward in Akhirah,🥀
Share this with your families and friends
BLOG - quranhadeestalk.blogspot.com
ARMAAN ANSARI
0 Comments