JISNE KHAYBAR KA DARWAAZA UKHAAD DIYA !
🔴 Jb Yahudiyo ne RasoolAllah (ﷺ) ke sath huye muaaide (agreement) ko Tod kar Mushrikeen-E-Arab Or Qabila-E-Ghadfan ke sath Musalmano ke khilaf Jung mein sath ho gaye to Majburan Nabi (ﷺ) ko un Yahudiyo ke khilaf hamla karna pada , ye yahudi Shami tarz par bade bade Qile yaa mahal jinki tadad 9 yaa 12 thi ke darmiyan raha karte the aur inn Qil'e ke Oonche deewaar or mazboot Darwaze inki bastiyon ki dushmano se hifazat karte the is poore ilaaqe ko khaybar kaha jata tha.
RasoolAllah (ﷺ) ne Hazrat Abu Bakar, Umar or bade bade sahaba ko Lashkar ke sath un qilon ko Fatah karne bheja Lekin wo Na kaam huye, Aakhir Sher-E-khuda Maula Ali Alaihis Salam ko Nabi (ﷺ) ne Fatah ki basharat ke sath bheja or Maula Ali ne Na sirf Yahudi pahelwan Marhab ko dhool chataya balki khaybar ke Qile ke Darwaze ko akele ukhaad pheka or Allah ne Aap ke hathon Musalmano ko Fatah naseeb farmayi....Allahu Akbar
👉 Hazrat Abu huraira RadiAllah anhu se rivayat hai ki, RasoolAllah (ﷺ) ne ghazwa-e-khaybar ke din farmaya: kal Main us shakhs ko jhanda dunga Jo Allah or uske Rasool se mohabbat karta hai,
👉 Hazrat Abu huraira RadiAllah anhu se rivayat hai ki, RasoolAllah (ﷺ) ne ghazwa-e-khaybar ke din farmaya: kal Main us shakhs ko jhanda dunga Jo Allah or uske Rasool se mohabbat karta hai,
Allah uske hath par Fatah Ataa Farmayega - Hazrat Umar farooq RadiAllah anhu farmate the ke : (zindagi mein) sirf usi din mujhe Qayadat ki tamanna huyi (ke jhanda mujhe Mile) Maine is Ummeed se ke mujhe isliye bulaya jayega apni gardan Unchi ki to Aap (ﷺ) ne farmaya- Ali Kahan hain ?
Logon ne kaha : Aye Allah ke Rasool! (ﷺ) Unki Aankh me zakhm hai, Aap (ﷺ) ne Maula Ali Alaihis Salam ko bulaya aur unki aankhon me apna luaab e dahan Mubarak (thook) lagaya aur unke liye Dua ki to wo bilkul ache ho gye jaise unhen koi taqleef hi naa thi , Aap (ﷺ) ne unko wo jhanda diya aur farmaaya : Jao! Peeche mud kar Na dekho yahan tak ki Allah tumhe Fatah Ataa kar de.
[Sahih Muslim #6222, #6223]
👉 Hazrat Abu Raaf'e RadiAllah anhu ne bayaan kiya - jab RasoolAllah (ﷺ) ne Hazrat Ali ko apna jhanda de kar rawana farmayaa to hum bhi unke sath the, jab wo Qile ke Kareeb pahunche to Qile ke log muqable ke liye bahar aayein, Maula Ali ne unse qittal kiya ,Ek yahudi ne bhi un par hamla kiya aur hua ye ke Hazrat Ali ke hath se dhaal gir gayi, Hazrat Ali ne Qile ke pas pade hue Ek Darwaze ko pakad kar usi ko apne liye dhaal bana liya, Fatah hone tak Aap yahood se muqabla karte rahe aur ladayi se faarigh hone ke baad use apne hath se phenka, wo is qadr bhari tha ke hum 8 aadmiyon ne us Darwaze ko uthana chaha to use ulat bhi Na sakein.
[Musand Ahmed #10814]
🥀To get Reward in Akhirah,🥀
Share this with your families and friends
BLOG - quranhadeestalk.blogspot.com
ARMAAN ANSARI
0 Comments