Hazrat Hussain RadiAllah Anhu Ko Imam Hussain Alaihissalam Kehna

" IMAM " AUR " ALAIHISSALAAM"

Ahle sunnat (sunni) ke zyadatar log hazrat hussain radi allahu anho ko bina soche samjhe " imam hussain alaihissalam" bolte hai, 

jab ki sayyidena hazrat hussain radi allahu anho ke saath " imam" ke alfaaz bolna aur is tarah "radiallaho anho" ki jagah "alaihissalam" kahna bhi shiyyat (rafziyyat) hai, ham tamam sahaba kiraam radi allahu anho ke saath izzat wa samman ke liye " hazrat" lafz istemal karte hain, hazrat abu bakar radi allahu anho, hazrat umar radi allahu anho, hazrat usman radi allahu anho, hazrat ali radi allahu anho etc...

Ham kabhi "imam abu bakar, imam umar nahi bolte,

isi tarah ham sahaba kiraam radi allahu anho ke paak naamon ke baad "radiallaho anho" likhte aur bolte hain, aur kabhi "abu bakr alaihissalam, umar alaihis salam " nahi bolte,

lekin hazrat hussain radi allahu anho ke saath "radiallaho anho" ke bajaaye "alaihissalam bolte hain,

kabhi iske baare me samjha ki aisa kyon hai??

Asal me ye shiyyat (rafziyyat) ka aqeedah ka nateeja hai jo bina soche samjhe hamare andar Daakhil ho gaya hai, isliye yaad rakhiye ki ye shiaon ka ek buniyadi masla " imamat " ka bhi hai aur imam unke nazdeek ambiya ki tarah allah ki taraf se masoom (galtiyon se paak, free from errors) hota hai,

hazrat hussain radi allahu anho bhi unke baarah (twelve) imamon me se ek imam hain, isliye unke liye "imam" ke lafz istemaal karte hain aur isi tarah unke liye "alaihissalam" likhte wa bolte hain,

hamare nazdeek wo sahabi e rasool hain, "imam masoom" na ham shiaon ki imamat masooma ko maante hain,

isliye hamen unhe dusre sahaba kiraam ki tarah " hazrat hussain radi allahu anho " likhna aur bolna chahiye, "imam hussain alaihissalam" nahi,

kyonki ye shiaon ke jaane pahchaane aqaid aur chalaaki (cleverness) ke ishaare hain....

Allah hamen samjhne ki taufeeq de

__________________________________________

🥀To get Reward in Akhirah,🥀

Share this with your families and friends

BLOG - quranhadeestalk.blogspot.com
ARMAAN ANSARI