Tu Musalman Kaisa

 TU MUSALMAN KAISA ???

Haq ki baaton se hai Bezar tu Musalman kaisa
Hai sare aam Gunahgar, TU MUSALMAN KAISA

Bhool baitha hai ke Islam ka Maqsad kya tha
Bana firta hai Muslaman, TU MUSALMAN KAISA

Kqbhi Masjid me nazar aaya nhi Waqt-E-Namaz
Hajj par jane ko hai Tayyar, TU MUSALMAN KAISA

Shauk se jti hai Be-Parda tere hote hue
Teri Behne sare Bazar, TU MUSALMAN KAISA

Bhai pe Bhai ka kya Farz hai ye Bhool gya
Ghar me kar rakhi hai Deewar, TU MUSALMAN KAISA

Rishtedaron se kbhi karta nhi Husn-E-Suluk
Deen ka krta hai prachar, TU MUSALMAN KAISA

Haq me Momin ke kabhi tune na Aameen kaha
Hai Duaon ka Talabgar, TU MUSALMAN KAISA

Tujhko MAA-BAAP ki Khidmat ki koi Fiqr nahi
Apne Bachon se kare Pyar, TU MUSALMAN KAISA

Bhook se Mar gaya Humsaya tere hote hue
Bol Be-raham Zameendar, TU MUSALMAN KAISA

Tujhse Darte hai tere saare Kabile wale
Tera gar aisa hai Kirdar, TU MUSALMAN KAISA

Baat Haq ki ho to Daman ko bacha leta hai
Jhoot ka hai tu Tarafdar, TU MUSALMAN KAISA

Dil me hai Bugz O Hasad aur Hawas Aankho me
Ye agar tera hai Meyar, TU MUSALMAN KAISA

Deen kehta hai Gairo ko bhi Apna kar lo
Teri apno se hai Takrar TU MUSALMAN KAISA

✍ Romanised By - Armaan Ansari