Haiz Aa Jane Par Aurat Ko Apna Roza Mukammal Karna Chahiye Ya Tod Dena Chahiye

KYA HAIZ AA JANE PAR AURAT KO APNA ROZA MUKAMMAL KARNA CHAHIYE YA TOD DENA CHAHIYE ???

Agar aurat ko haiz/period ghuroob e aftaab (suraj dhalne se pahle) se pehle shuru ho jaye, yahan tak ke ek lamha pehle bhi aa jaye to aurat ka roza batil ho jayega aur use us din ki qaza karni padegi.

👉 Rasool Allah (ﷺ) ne farmaya Jab aurat haiz se hoti hai to wo namaz nahi padhti aur na roza rakhti hai.

[Bukhari: al Haiz 304 – Muslim: al Eman 79]

Is hadees se hamein ye pata chalta hai ke haiz aa jane par aurat ko na namaz padhna hai aur na Roza rakhna hai...

Jis tarah haiz ate hi Namaz padhna chhod dete hai usi tarah haiz aa jane pe apna roza bhi chhod dena hai....

Jis tarah haiz me namaz ni padh sakte thik usi tarah haiz ki halat me roza bhi nahi rakh sakte.

👉 Sheikh Ibn Uthaymeen (r.h) ne Majaalis Shahr Ramadaan Pg : 39 aur Mazmoon Al-Dima’ Al-Tabee’iyyah li’l-Nisa Pg : 28 Mein kaha ke

Agar aurat ko haiz/period roze ki halat mein shuru hota hai, phir chahe ghuroob e aaftaab se ek lamha pehle hi kyun na ho iska roza batil hogaya aur aurat ko iski qaza karni hogi.

Haiz ki halat mein roze rakhna iske liye jayz nahi hai, agar wo aisa karti hai to iska roza sahih nahi hai.

Sahih qoul ke mutabiq Agar wo mehsoos karti hai ke uska haiz shuru hone wala hai lekin ghuroob e aaftab ke baad tak kuch bhi bahar nahi aata hai to uska roza mukammal ho gaya hai aur fasid nahi hua.

👉 Ibn qudaamah (r.h) Ne Al-Mughni (4/397) mein kaha

Agar haiza aurat roza rakhne ka irada karti hai aur khaane peene se ruk jaati hai agarche ye is baat se aagah hai ke ye haraam hai to wo gunahgaar hai aur ye ke roza ise kuch faida na dega.

Haiza aurat aur nifaas (bleeding after child birth) wali aurat ek taur par shumaar hongi kyunki nifaas ka khoon haiz ke khoon ki tarha hai so wo (nifaas) isi (haiz) ke ahkaam ke tahet aata hai....

Agar haiz din ke waqt shuru hota hai to is din ka roza batil ho jayega chahe din ke shuru mein aaye ya aakhir mein aaye.

Standing Committee (10/155) se sawaal kiya gaya ek aurat ke talluq se jisne roza rakha aur jald hi ghuroob e aaftaab se pehle aur azaan se pehle iska haiz shuru hogaya to kya iska roza sahih hai ?

Inhone jawaab diya : Agar uska haiz ghuroob e aaftaab se pehle shuru hogaya to iska roza batil ho gaya aur use iski qaza karni hogi. Aur agar haiz ghuroob e aaftaab ke baad aa gaya to uska roza sahih hai aur use iski qaza nahi deni hogi.

WALLAHU AALAM