Ramadan Ke Baad Inn 5 Cheezon Ko Kabhi Na Chhodein

Ramadan Ke Baad Inn 5 Cheezon Ko Kabhi Na Chhodein

1. NAMAZ
2. SUBAH WA SHAAM KE AZKAR
3. QURAN
4. TAHAJJUD
5. ROZA

1) NAMAZ

5 Waqt ki Namaz Allah Ta'ala ne Musalmano par

Hamesha ke Liye Farz ki hai, Sirf Ramadan me

nahi Lehaza Jo Ramadan me Humne 5 Waqt ki

Namaz Padhi Usko Jaari Rakhe Uske Saath 12

Sunnat Namaz ka bhi Ahtemaam kare.

RasoolAllah (ﷺ) farmate hai:

"Beshak Aadmi aur Shirk wa Kufr ke Darmiyan Fark karne waali cheez Namaz hai"

[Sahih Muslim Hadees Number 2466]

Lehaza Humesha 5 Waqt ki Namaz ka Ahteraam Poori Zindagi jaari rakhein.

2) SUBAH WA SHAAM KE AZKAR

Subah wa Shaam ke Azkar ka Ahtemaam Kare ye har Azkar ki Ek Alag hi Fazilat hai Isse Insaan Deen E Islam se Juda Rahta hai Allah ki Khashiyat uske Dil me Rahti hai.

SUBAH KE AZKAR FAJR KE BAAD AUR SHAAM KE AZKAR ASAR KE BAAD PADHEIN

3) QURAN

Quran Allah Ta'ala ka Kalaam hai, Shifa hai, har Momin ke Dard ki Dawa hai, Sukoon Hasil karne ka Sabse behtareen Zariya hai. Aaj Har Musalman Pareshani ki zindagi Guzar raha hai, Qur'an Uski

Pareshaniyon ka hal hai, Aaj Noujawan Depression me Ji Raha hai Qur'an Usse Nijaat ka Zariya hai.

Allah Rabbul Izzat farmata hai:

"Beshaq Allah Ke Zikr Se Momino ke Dil Itminan hasil karte hai."

[Surah Ar Ra'ad 13:28]

Lihaja Rozana 1 Para Fajr ke baad padhle ya Apni

Sahulat ke hisaab se Padhle taki 1 Mahine me 1

Qur'an Mukammal kar sake, Jaise Ramadan me kiye.

4) TAHAJJUD

Tahajjud ka Ahteraam kare, Behtar hai Aakhri Paher me Padhe, Bas Fajr se 30-40 Minute pahle Uth kar Padh lein Jaise Ramadan me hum sehri ke liye uth jaate the Fajr se pehle waise roz uth sakte hai.

Hazrat Abu Hurairah (R.A) Kehte Hain Maine

RasoolAllah (ﷺ) Se Suna Aap (ﷺ) Farmate Hai :

"Farz Namaz Ke Baad Sab Namazon Me Afzal Tahajjud Ki Namaz Hai"

[Sahih Muslim Hadees Number 1163]

5) ROZE

Nafil Rozo ka Ahtemaam kare, Har Peer (Monday) aur Jumeraat (Thursday) ko Roza Rakhein har mahine ki 13,14,15 ko Roza rakhe isko Aadat bana le, Aasani se rah sakte hai In Shaa Allah.

Allah ke Nabi (ﷺ) Har Peer (Monday) aur Jumerat (Thursday) ka roza rakha karte aur farmate :

"Har Peer aur Jemraat ko Humare Aamal Allah Ke Paas Pesh kiye Jaate hai."

[Tirmizi Hadees Number 747]

Allah Ta'ala se Jude Rahne ke Liye in Tamaam Chizo ko Apnaane ki Poori Koshish kare lekin Namaz to har haal me padhna hi hai, Wahi Kafir aur Musalmaan ke beech farqbkarne wali chiz hai, 

Hume sirf Ramadan ke Musalmaan nahi banna hai, Balki Sachche Musalmaan banna hai.

Allah Ta’ala Hum Sabko Is par Amal Karne ki Toufeeq Ata farmaye aur Ramadan jaisi Zindagi har Mahine Guzarne wala banaye.

Aameen Ya Rabbul Aalameen
🌷Share With Others🌷
💐Jazakallahu Khairan💐